Imparaus de sa fàbula

Sa castiadora de is cocas

Su tìtulu 'e sa fàbula

A-i custu contu di nanta Sa castiadora de is cocas.
Castiai bolit nai a biri de manera de cumprendi beni su ki bieus.
Ma innoi tenit su sentidu de donai cura puru, de fai de manera ki totu bandit beni.

· A bosatrus puru est incapitau de castiai bèstias piticas calincuna borta?

· Ki eya, In domu o in foras?

· Si praxit a bosatrus a fai is castiadoris?

· D'eis fatu in crassi calincuna borta, castiendi a is cumpanjus?

· A fai su castiadori esti finsas unu traballu;
innoi a suta eus postu calincunu nòmini de castiadori:
bosatrus, imparis a sa maista, ponei su ki issus càstianta.

Su/sa........................................ Càstiat ........................................

Bidellu/a ........................................ Càstiat ........................................

Carabineri/a ........................................ Càstiat ........................................

Dirigidori/a ........................................ Càstiat ........................................

Maistu/a ........................................ Càstiat ........................................

Jugi/Juja ........................................ Càstiat ........................................

Guàdria ........................................ Càstiat ........................................

Ita imparaus?

Stujaus impari!

Eus biu ki sa prìncipa, a pustis ki sa mama d'iat donau su muncadori, d'iat stujau donendi cura, sciendi ki d'iat essi ajudada in su benidori suu.

· Aundi si d'at ai stujau su muncadori sa prìncipa?

· E tui, candu depis stujai una cosa, aundi da stujas?

Candu nosu seus bistius podeus stujai is cosas in busçaca, forsis comenti at fatu sa prìncipa.
Ma candu seus in domu, aundu podeus stujai is cosas?

Bieus impari calincunu logu aundi stujai is cosas nostas a intr''e domu:

calasçu, cumou, bòtulu, stuju, bussa, mucìllia, arrima-lìbrus, casçita, sostri, cantina, parastaju, garaxi, niera.

· Ki ndi scis atrus ki no eus postu, açungiddus tui.

Imoi si donaus su nòmini de calincuna cosa de stujai, e bosatrus fei su jogu de arreconnosci su logu mellus po dus ponni, liendiddus cun d-una freça:

Cosa		Logu
libru		parastaju
cartulàriu		garaxi
vetura		niera
bistiri		stuju
pratu		bussa
binu		calasçu
gastu		bòtulu
gelau		arrima-lìbrus
casçita		mucìllia
pinna		sostri
muncadori		cascita
muneda		cumou

Traduseus de s'italianu a su sardu

Po donnya fràsia italiana, - oi otu sceti! - nci ndi funti duas sardas, ma una sceti esti justa.
Agatai sa tradusidura justa e sa sballiada, e a pustis arrexonainci impari a sa maista.

1. La regina diede alle due donne un cavallo a testa.
S'arreina a is duas fèminas iat donau unu cuaddu a peròmini.
S'arreina a is duas fèminas iat donau unu cuaddu a testa.

2. Se lo sapesse tua madre, ne morirebbe di dolore.
Si du sciessit mama tua, si nd'iat a morri de dolori.
Ki du sciiat mama tua, si ndi moriat de su dolori.

3. Quando erano in campagna, al pascolare delle oche…
Candu fiant in su sartu, a su pasci de is cocas…
Candu fiant in su sartu, pascendi is cocas…

4. La principessa si scioglieva i capelli, che erano come oro.
Sa principessa si ndi strogat is pilus, ki fìanta comenti s'oru.
Sa prìncipa si ndi strogat is pilus, ki fìanta ke oru.

5. La testa del cavallo che parlava, lei che si scioglieva i capelli e chiamava il vento…
Sa conk''e su cuaddu kistionendi, issa stroghendisindi is pilus e tzerriendi a su bentu…
Sa conk''e su cuaddu ki kistionat, issa ki si ndi strogat is pilus e tzerriat a su bentu…

S'acabu 'e su contu

Sa fàbula acàbat ki a sa prìncipa fingia tòrrat totu su mali ki iat fatu a sa prìncipa bera, e ki totu su ki pensat de fai sa tzeraca a sa castiadora de is cocas, si nci fùrriat conca a issa e totu.

· E tui, circau mai asi de t'arremprasai cun calincun'atru?

· Ki eya, poita?

· Circau mai asi de ti ponni a pensai ita ti merescis tui a primu de pensai ita si merescint is atrus?

Cunfrontaisi' a pari a pitz''e custa kistioni.

Sa Fàbula