Custu fueddàriu sardu campidanesu - italianu tenit casi deximila fueddus, e esti un'ajudu de is autoris (Nicolau Cantalupo, Amos Cardia, Perdu Perra, Tanieli Sanna) a totu is ki sìghinti custu cursu arradiufònigu.

Depit abarrai craru ca custu fueddàriu no fiat in su disinnu de su cursu e no esti parti de su cursu mancu imoi, e po cussu is deretus abàrranta totus, in totu e po totu, a is autoris.

No est mancu po nudda ca custa est una pàgina de acàpiu sceti, ca su fueddàriu s'agàtat totu in d-un'atru jassu, su de su Comitau Studiantis po sa Lìngua Sarda, un'assòtziu de Casteddu de studiantis universidàrius ki bolint e trabàllanta po su bilinguismu in Sardinnya, arrespetendi totu is bariedadis de sa lìngua sarda.

Custu fueddàriu tenit su copyright. Is autoris permitint a si du scarrigai, a du imprentai, a du fotocopiai e a du spainai puru (arremonendi sempri is autoris e su primu imprentadori, est a nai su Comitau Studiantis po sa Lìngua Sarda), de manera ki ndi potzat gosai cantu prus genti fait, ma no permitint a du bendi. Ki calancunu nci depit goranjai, is primus depint essi issus e totu: est una kistioni de seriedadi e de arrespetu de su traballu ki sa genti fait.

Craca a innoi po andai a su fueddàriu