Imparaus de sa fàbula

Is tres pilus 'i oru de su tiàulu

Su tìtulu 'e sa fàbula

A-i custa fàbula di nanta Is tres pilus 'i oru de su tiàulu,
ki bolit nai I tre capelli d'oro del diavolo.

· Po su parri tuu, de ita colori fiant is pilus 'e su tiàulu?
Scriiddu innoi a suta:

...................................................................................................................

Nci seis arrutus in sa troga?
Est cumenti a nai: "De ita colori fiat su cuaddu biancu de Garibaldi?"

· E in sa crassi 'e bosatrus, de ita colori teneis is pilus?
Contaisi' e scriei su nùmuru a su costau de donnya colori:

Pilus nieddus .....................
Pilus castanjus .....................
Pilus arrùbius .....................
Pilus brundus .....................
Pilus murrus .....................
Pilus biancus .....................

A kini s'esti colorau is pilus a tinta no balit!

 

Ita imparaus?

A kini di praxit s'akua?

Su contu fuèddat de un'arriu e de unu frùmini:

· Agata in su contu e totu innui funti.

· Da scis sa diferèntzia intr''e s'arriu e su frùmini?

Scriida innoi a suta:

S'arriu esti .......................................................................................

Su frùmini esti .................................................................................

· S'akua in cali atrus logus d'agatas?

Scriiddus innoi a suta:

..................................................................
..................................................................
..................................................................
..................................................................
..................................................................
..................................................................
..................................................................
..................................................................
..................................................................
..................................................................
..................................................................
..................................................................

· Arrìnghera, de su prus piticu a su prus mannu, totu custus logus 'e akua:

stìddiu .............................
spèndula .............................
mari .............................
lagu .............................
bena .............................
pauli .............................
arritzolu .............................
frùmini .............................
arriu .............................
piscina .............................
coneta .............................
otzèanu .............................
putzu .............................
barcili .............................

(ki tui nd'as agatau atrus puru, açungiddus)

· Ita fais (o ita podis fai) in totu custus logus 'e akua?
Ita nci agatas?

Fai una fràsia po donnya logu, cumentzaus nosu:

Cun d-unu stìddiu no potzu fai nudda.
A sa spèndula mi praxit a di pigai fotografias.
A mari deu anadu e piscu.

In su lagu .........................................................................................

In sa bena .........................................................................................

In su pauli .........................................................................................

In s'arritzolu .....................................................................................

A frùmini .........................................................................................

In s'arriu ..........................................................................................

In sa piscina ......................................................................................

In sa coneta .......................................................................................

In s'otzèanu ........................................................................................

In su putzu .........................................................................................

In su barcili ........................................................................................

 

Traduseus de s'italianu a su sardu

Po donnya fràsia italiana, nci ndi funti duas sardas, ma esti justa una sceti.
Agatai sa tradusidura justa e sa sballiada, e a pustis arrexonainci impari a sa maista.

1. Il re aveva chiesto all'uomo e alla donna se il ragazzo fosse il loro figlio.
S'urrei iat preguntau a s'òmini e a sa donna ki su piçocu fiat su insoru fillu.
S'urrei iat preguntau a s'òmini e a sa fèmina ki su piçocu fiat fillu insoru.

2. Il bandito aveva sostituito la lettera preparata dal re.
Su bandiu iat sostituiu sa litra ki s'urrei iat preparau.
Su bandiu iat arremprasau sa litra ki s'urrei iat apariçau.

3. Il giovane era arrivato alla porta dell'inferno.
Su piçocu fiat arribau a s''eca 'e s'inferru.
Su piçocu fiat arribau a sa porta 'e s'inferru.

4. La nonna aveva trasformato il ragazzo in formica.
Sa nonna iat trasformau su piçocu in formiga.
S'ayaya iat furriau su piçocu a fromiga.

5. La donna aveva detto di sì.
Sa fèmina iat nau de sì.
Sa fèmina iat nau ca eya.

6. La vecchia era riuscita a togliere al diavolo anche il terzo capello.
Sa beça fiat arrennesça a ndi bogai a su tiàulu su tertzu pilu puru.
Sa beça fiat arrennesça a ndi bogai a su tiàulu su de tres pilus puru.

7. Un'albero di mele si stava seccando.
Una mata 'e mela fiat sikendisi'.
Una mata 'e melas fiat sikendisi'.

8. La formica era ridiventata uomo.
Sa fromiga si fiat torrada a òmini.
Sa fromiga fiat arridiventada òmini.

9. Il ragazzo era giunto a palazzo con una carriola piena di mele.
Su piçocu fiat lòmpiu a palàtziu cun d-una carriola prena de melas.
Su piçocu fiat lòmpiu a palàtziu cun d-unu carruçu 'e mela.

10. Il re sta ancora remando.
S'urrei stait arremendi ancoras.
S'urrei est arremendi ancoras.

S'acabu 'e su contu

S'urrei at scramentau po is pecaus suus, ca d'est tocau a arremai totu sa vida, e esti arremendi ancoras.

· E a tui t'est incapitau de scramentai po calincuna cosa?

E candu?
E poita?

· Cun is cumpanjas e cun is cumpanjus tuus, contaisi' is iscramentus de bosatrus a pari.

· Preguntai a sa maista cand'est ki at scramentau po calincuna cosa.

 

Po is maistas e is maistus

Donai incuru meda:

Poita naraus is pilus di oru (incrutzau is pilus 'i oru)
e inveças naraus is pilus de lana (incrutzau is pilus 'e lana)?

Poita una borta umperaus di (incrutzau 'i )
e un'atra borta umperaus de (incrutzau 'e ) ?

S'arrexoni esistit!
Esti ca nosu umperaus di candu su fueddu ki sighit cumintzat cun boxali (pilus di oru)

e umperaus de candu su fueddu ki sighit cumintzat cun cunsonu
(pilus de lana).

Sa e si fùrriat a i candu da sighit una boxali.

Agatai atrus esemprus bosatrus puru, e eis a biri ca is contus tòrranta.
Cumentzaus nosu:
Cussu piçokeddu du tenint a fill''i ànima
e no a fill''e ànima.

Sa Fàbula